Зүрх сэтгэлийг минь хулгайлж авчихаад
Зүгээргүй бас дэвсэлдэг нь юу вэ
Зугтаад нуугдаад мартъя гэхээр
Зулгааж хойноос татах нь юу вэ
Хэнд ч мэдэгдэлгүй хулгайлж авчихаад
Хэнзхэн зүрхийг минь гишгэх нь юу вэ
Хэрж хүлээд ганцаар үлдэе гэхээр
Хэмэлж чангааж зовоох нь юу вэ.
Борхон зүрхийг гишгэх байсан бол
Болзож юунд горьдлого төрүүлээ вэ
Алагхан зүрхийг базах байсан бол
Анхнаасаа юунд итгэл өгөө вэ
Далдхан зүрхийг минь хатгах байсан юм бол
Дан цамцтай гадаа юунд хүлээгээ вэ
Онцолж сонгож чадахгүй байсан юм бол
Оролдож юунд тоглоом болгоно вэ
Хуучин түүндээ хайртай байсан юм бол
Хулгайлж сэтгэлийг минь шархлуулдаг нь яагаад вэ
Эргэж харалгүй яв гэх байсан бол
Эмзэгхэн зүрхийг минь хөнддөг нь юуных вэ
Нулимсгүй ч гэсэн уйлдаг юм байна
Нууцалж бас шаналдаг юм байна
Төмөр биш зүрх бас өвддөг юм байна
Түймэр галгүйд ч шатдаг юм байна
Түнэр харанхуйг гэрэлтэйд мэдэрдэг юм байна
Төөрч хоосонд унадаг юм байна
Хоолой зангирч гомддог юм байна
Хорьж зүрхийг дийлэхгүй юм байна
Гомдож мартаж чадахгүй л юм байна
Гонсойж санасан ч холдсон нь дээр биз
Чулуу биш зүрх бас эмтэрдэг юм байна
